Kushtet e përdorimit të meet-world.com

1. Operatori i platformës

Platforma Meet World Trade, e disponueshme në meet-world.com, është produkt i AK Security Soft. Në këto kushte, termat “platforma”, “ne”, “shërbimi” ose “Meet World Trade” i referohen këtij sistemi online.

2. Qëllimi i platformës

Meet World Trade është platformë B2B që ndihmon bizneset të prezantohen, të publikojnë produkte dhe shërbime, të pranojnë kërkesa për ofertë dhe të gjejnë furnitorë, prodhues, distributorë ose partnerë tregtarë.

Platforma nuk është palë në marrëveshjet tregtare që mund të lidhen ndërmjet bizneseve. Çdo kontratë, pagesë, furnizim, garanci, dorëzim ose përgjegjësi tregtare ndërmjet palëve menaxhohet nga vetë palët.

3. Pranimi i kushteve

Duke përdorur platformën, duke regjistruar biznesin, duke dërguar kërkesë për ofertë, duke publikuar produkt/shërbim ose duke kërkuar abonim, ju pranoni këto Kushte të Përdorimit dhe Politikën e Privatësisë.

Nëse nuk pajtoheni me këto kushte, nuk duhet të krijoni llogari, të publikoni të dhëna biznesi ose të përdorni funksionet e platformës.

4. Regjistrimi i biznesit dhe llogaria

• Biznesi duhet të japë të dhëna të sakta, të plota dhe të përditësuara.
• Përdoruesi është përgjegjës për ruajtjen e fjalëkalimit dhe qasjes në llogari.
• Nuk lejohet përdorimi i identitetit të rremë ose regjistrimi i biznesit pa autorizim.
• Administratori mund të kërkojë dokumente shtesë për verifikim ose sqarim.

5. Profili publik i biznesit

Biznesi mund të ketë profil publik me emër, logo, përshkrim, kategori, shtet, qytet, status dhe produkte/shërbime të aprovuara. Biznesi është përgjegjës që të dhënat e publikuara të jenë të sakta dhe të ligjshme.

Platforma mund të kufizojë, korrigjojë, fshehë ose heqë përmbajtje që është e pasaktë, mashtruese, ofenduese, e paautorizuar ose që dëmton besueshmërinë e platformës.

6. Produktet dhe shërbimet

• Produktet dhe shërbimet publikohen vetëm pas aprovimit nga administratori.
• Biznesi duhet të përdorë përshkrime reale, fotografi të autorizuara dhe çmime të sakta kur i shfaq publikisht.
• Nuk lejohen produkte ose shërbime të paligjshme, mashtruese, të rrezikshme ose që cenojnë të drejtat e të tjerëve.
• Administratori mund të kthejë produktin në pritje, ta refuzojë ose ta fshehë nëse nuk i plotëson kriteret.

7. Kërkesat për ofertë dhe përgjigjet

Kërkesat për ofertë duhet të jenë të qarta, reale dhe të lidhura me nevoja biznesi. Ato mund të përfshijnë kategori, sasi, afat, buxhet, shtet të furnitorit dhe dokumente teknike.

Bizneset që përgjigjen me ofertë janë përgjegjëse për saktësinë e çmimeve, kushteve, afateve dhe materialeve që dërgojnë. Platforma ndihmon në orientimin dhe menaxhimin e procesit fillestar, por nuk garanton lidhjen e kontratës ose suksesin e marrëveshjes.

8. Verifikimi i biznesit

Statusi i verifikimit jepet pas kontrollit administrativ të dokumenteve dhe të dhënave të biznesit. Verifikimi nuk nënkupton garanci absolute për performancën, pagesat, cilësinë e produkteve ose sjelljen tregtare të biznesit.

Platforma mund të ndryshojë, pezullojë ose heqë statusin e verifikimit nëse të dhënat rezultojnë të pasakta, dokumentet nuk vlejnë ose biznesi shkel këto kushte.

9. Abonimet, limitet dhe pagesat manuale

• Pakoja falas mund të ketë limite në produkte, fotografi, kërkesa dhe qasje në kontakte.
• Pakot me pagesë japin më shumë kapacitet, dukshmëri dhe funksione sipas përshkrimit të pakos.
• Pagesat bëhen manualisht me faturë/bankë dhe aktivizohen nga administratori pas konfirmimit të pagesës.
• Data e fillimit dhe skadencës së abonimit shfaqet në panelin e biznesit.
• Mospagimi ose vonesa mund të kufizojë funksionet e pakos.

10. Kontaktet direkte dhe modeli freemium

Platforma lejon shfaqjen publike të disa të dhënave për të krijuar besim dhe dukshmëri. Megjithatë, kontaktet direkte dhe disa funksione komerciale mund të kufizohen sipas rolit, statusit të biznesit dhe pakos së abonimit.

Vizitorët dhe bizneset me pako falas mund të përdorin formularin “Kërko ofertë” për të nisur kontakt përmes platformës. Bizneset me abonim aktiv mund të kenë më shumë qasje, varësisht nga konfigurimet dhe rregullat e platformës.

11. Përmbajtja e ndaluar dhe përdorimi i papranueshëm

Nuk lejohet përdorimi i platformës për:

• informata të rreme, mashtruese ose të paautorizuara;
• spam, robotë, regjistrime automatike ose tentime abuzive të kyçjes;
• publikim të materialeve pa të drejtë përdorimi;
• produkte/shërbime që bien ndesh me ligjin ose standardet e platformës;
• dëmtim të reputacionit të bizneseve, përdoruesve ose platformës;
• tentim për të ndërhyrë në sigurinë, kodin, databazën ose funksionimin e platformës.

12. Pezullimi ose refuzimi

Platforma mund të refuzojë, pezullojë ose çaktivizojë llogari, biznese, produkte, dokumente, abonime ose kërkesa për ofertë nëse:

• të dhënat janë të pasakta ose të dyshimta;
• ka shkelje të këtyre kushteve;
• ka aktivitet të dyshimtë ose rrezik sigurie;
• ka ankesa të arsyeshme nga përdorues ose biznese;
• kërkohet nga ligji ose autoritetet kompetente.

13. Pronësia intelektuale

Dizajni, struktura, kodi, logoja, emri Meet World Trade dhe përmbajtja e krijuar nga platforma janë pronë e operatorit ose përdoren me të drejta të rezervuara. Bizneset mbajnë përgjegjësi për materialet që ngarkojnë dhe deklarojnë se kanë të drejtë t’i përdorin ato.

14. Kufizimi i përgjegjësisë

Platforma ofrohet për të lehtësuar prezantimin, kërkimin dhe komunikimin fillestar B2B. Ne nuk garantojmë se çdo kërkesë do të marrë ofertë, se çdo biznes do të gjejë klientë ose se çdo marrëveshje ndërmjet palëve do të realizohet me sukses.

Palët janë përgjegjëse për verifikimin final, kontratat, pagesat, dorëzimin, cilësinë, garancitë dhe çdo detyrim tjetër tregtar jashtë platformës.

15. Privatësia dhe cookies

Përpunimi i të dhënave personale, dokumenteve, kontakteve, logs dhe preferencave të cookies shpjegohet në Politikën e Privatësisë. Duke përdorur platformën, ju pranoni që të dhënat të përpunohen sipas asaj politike.

16. Ndryshimet në kushte

Këto kushte mund të përditësohen kur shtohen funksione të reja, kur ndryshon modeli i shërbimit ose kur kërkohet për arsye ligjore, sigurie ose operative. Versioni më i fundit publikohet në këtë faqe.

17. Ligji i zbatueshëm dhe zgjidhja e mosmarrëveshjeve

Për përdorimin e platformës zbatohen rregullat dhe ligjet në fuqi të vendit ku vepron operatori, për aq sa janë të aplikueshme. Për çdo mosmarrëveshje, palët duhet fillimisht të tentojnë zgjidhje me komunikim të drejtpërdrejtë dhe me mirëbesim.

18. Kontakt

Për pyetje rreth këtyre kushteve, mund të kontaktoni:

• Email: info@meet-world.com
• Website: meet-world.com
• Operatori: AK Security Soft
• Website i operatorit: akss-ks.com